ვაკანსია – ბიბლიოთეკარი

ილიას სახელმწიფო უნივერსიტეტი  ბიბლიოთეკა აცხადებს კონკურსს ბიბლიოთეკარის პოზიციაზე.

საქმიანობის აღწერა

1. მკითხველის ინდივიდუალური ინფორმაციული საჭიროებებიდან გამომდინარე, საბიბლიოთეკო მომსახურების უზრუნველყოფა;
2. მკითხველისთვის კეთილგანწყობილი და სამუშაო ატმოსფეროს შექმნა;
3. ბიბლიოთეკის საინფორმაციო რესურსების მოძიებაში მკითხველებისთვის კონსულტაციისა და დახმარების გაწევა;
4. მკითხველისთვის სასურველი მასალის მოძიების ალტერნატიული გზებისა და საშუალებების შეთავაზება;
5. მკითხველისთვის სხვადასხვა წყაროდან ინფორმაციის მოძიების ეფექტური გზებისა და საშუალებების განსაზღვრა;
6. მკითხველითვის კონსულტაციის გაწევა საერთაშორისო ელექტრონული ბაზების გამოყენებაში;
7. მკითხველისთვის საინტერესო საკითხზე ბიბლიოგრაფიული კვლევის ჩატარებაში დახმარების გაწევა;
8. ბიბლიოთეკის რესურსების შესახებ ანოტაციის შედგენა;
9. ცირკულაციის წესების შესაბამისად მოქმედება;
10. ბიბლიოთეკის მიმდინარე პროექტებში მონაწილეობა;

მოთხოვნები:

• ეფექტური კომუნიკაციის უნარი
• გუნდური მუშაობის უნარი
• ორგანიზებულობა და პუნქტუალურობა
• მაღალი პასუხისმგებლობის გრძნობა
• მოტივირებულობა
• ინფორმაციის დახარისხების უნარი
• ინტერნეტში ძიების უნარი
• პრობლემების გადაჭრის უნარი
• დამოუკიდებლად მუშაობის უნარი
• ქართულ ენაზე გამართული  წერითი და ზეპირი მეტყველების უნარი
•  ინგლისური ენის ცოდნა  არანაკლებ B2 დონისა.
• კომპიუტერული პროგრამების ცოდნა:  MS Word, Excel, PowerPoint, Google  სერვისები

დაინტერესების შემთხვევაში, გთხოვთ, ელექტრონულ მისამართზე vacancy@iliauni.edu.ge გამოაგზავნოთ:

• CV  ფოტო სურათით.
• სამოტივაციო წერილი – სასურველია, არ აღემატებოდეს 1 გვერდს. 
• უცხო ენის ცოდნის ან სხვა რაიმე აქტივობის დამადასტურებელი სერთიფიკატი (ასეთის არსებობის შემთხვევაში)
• ორი რეკომენდატორი  (ასეთის არსებობის შემთხვევაში)

კონკურსის ჩატარების ფორმატი:

I ეტაპი – განაცხადების მიღება იწარმოებს 3 მარტის  ჩათვლით

II ეტაპი – 5 მარტი ტესტირება 

III ეტაპი – 6 მარტი,  გასაუბრება

გთხოვთ, გაითვალისწინოთ: 

1. დაინტერესებულმა კანდიდატებმა კონკურსში მონაწილეობის მისაღებად საჭირო დოკუმენტები, 2020 წლის 3 მარტის  ჩათვლით უნდა გამოგზავნოთ ერთ PDF ფაილად.
2. წერილის გრაფაში „subject” აუცილებლად მიუთითეთ  „ვაკანსია – ბიბლიოთეკარი“
შენიშვნა: თუ ზემოთ ჩამოთვლილი ორი პირობიდან ერთი მაინც იქნება დარღვეული, კანდიდატი მოიხსნება კონკურსიდან !!! 

შემოსული განაცხადების გადარჩევა პირველ ეტაპზე მოხდება CV-ისა და სამოტივაციო წერილის საფუძველზე.

სამუშაო დატვირთვა:  – სრული განაკვეთი; არასრული განაკვეთი

დამატებითი კითხვების შემთხვევაში, გთხოვთ მოგვწეროთ მისამართზე library@iliauni.edu.ge
გისურვებთ წარმატებებს.